Çoçoli: Ulja e TVSH-së dhe naftës sjell kursime për qytetarët

Kuvendi ka nisur diskutimet nëpër komisione lidhur me projektbuxhetin dhe paketën e ja re fiskale, të cilat pritet të votohen brenda muajit. Ky buxhet parasheh një fokus të shtuar social, duke parashikuar që nga muaji janar të dyfishohet bonusi për më shumë se tetëqind mijë pensionistë, si dhe të mundësohet një rritje e mëtejshme nëpërmjet indeksimit gjatë muajit prill.

Eksperti i ekonomisë, Fatos Çoçoli, deklaroi se qytetarët do të kenë mundësinë të kërkojnë ulje çmimesh për listën e ushqimeve të njoftuara më parë. Sipas tij, «bëhet fjalë për 54 artikuj, për të cilat i ka të drejtën e tij të kërkojë uljet përkatëse», ndërsa shtoi se ulja e çmimit të naftës dhe e TVSH-së do të ndikojnë pozitivisht në buxhetin familjar.

Lidhur me pensionistët, Çoçoli u shpreh se kategoria në fjalë do të përfitojë mbështetje më të madhe në buxhetin e vitit të ardhshëm. Sa i përket tregut të punës, ai vlerësoi se ulja e papunësisë mbetet një sfidë e arritshme, ku sektorët e ndërtimit dhe turizmit pritet të gjenerojnë vende të ja reja pune drejt synimit për ta ulur normën në gjashtë për qind.