Shtatë të lënduar nga aksidenti mes tri veturave në Malishevë
Një aksident trafiku mes tri veturave ka lënë shtatë persona të lënduar në rrugën Pejë-Prishtinë.
Redaksia ZHURMA · · 1 min lexim
MALISHEVË — Shtatë persona kanë pësuar lëndime si pasojë e një aksidenti trafiku ku janë përfshirë tri vetura në magjistralen Pejë-Prishtinë, respektivisht në fshatin Kijevë.
Rastin e ka konfirmuar zëdhënësi i Policisë në rajonin e Gjakovës, Sheremet Elezaj, i cili bëri të ditur se njoftimi është marrë rreth orës 13:10. Sipas tij, të gjithë të lënduarit janë dërguar për trajtim mjekësor dhe aktualisht gjendja e tyre shëndetësore është jashtë rrezikut për jetë.
Njësia Rajonale e Komunikacionit Rrugor është duke e trajtuar rastin për të ndërmarrë veprimet e nevojshme policore.
