41-vjeçari shqiptar akuzohet për abuzim seksual ndaj 9-vjeçares në Greqi
Ngjarja dyshohet se ka ndodhur mes viteve 2023 dhe 2025, ndërsa procesi gjyqësor ndaj të akuzuarit pritet të nisë në Larisa gjatë muajit tetor.
LARISË — Një 41-vjeçar shqiptar po përballet me akuzat për përdhunim të përsëritur dhe abuzim seksual ndaj vajzës 9-vjeçare të partneres së tij në Greqi. Sipas dosjes së prokurorisë greke, i akuzuari e ka shfrytëzuar periudhën kur nëna e të miturës ndodhej në Shqipëri për të kryer aktet e rënda.
Hetimet tregojnë se abuzimet kanë filluar në verën e vitit 2023 dhe kanë vazhduar deri në pranverën e vitit 2025. Prokuroria pretendon se njerku e kërcënonte të miturën me vrasjen e gjyshes dhe familjarëve të tjerë, duke e detyruar të heshtte dhe të mos i tregonte nënës së saj.
I akuzuari i ka mohuar të gjitha pretendimet e ngritura ndaj tij, por çështja tashmë është dërguar për gjykim dhe pritet të shqyrtohet në Gjykatën Penale të Larisës gjatë muajit tetor.
Burim: Insajderi
— Redaksia ZHURMA