Emigranti nga Firence kalon pushimet në protestë — ka 32 vjet në Itali
Qytetari me origjinë nga Skrapari që jeton prej 32 vitesh në Firence deklaroi se pushimet verore do t'i kalojë në shesh kundër qeverisë.
TIRANË — Një emigrant shqiptar që jeton në Itali i është bashkuar protestës para Kryeministrisë për të kundërshtuar qeverinë. Ky shqiptar nga diaspora u bashkua protestës në Tiranë kundër Ramës duke deklaruar se këtë verë ka zgjedhur t'i kalojë pushimet në këtë shesh.
Gjatë tubimit, ai theksoi se jeton prej 32 vitesh në Firence të Italisë, por ndihet i lidhur me vendlindjen dhe ka ardhur për të mbrojtur trojet shqiptare. Protestuesi akuzoi kryeministrin Edi Rama se ka ngrënë në besë shqiptarët, duke shtuar se ata lindin shqip dhe vdesin të tillë.
Emigranti me origjinë nga Skrapari tregoi gjithashtu se gjatë një aksioni në zonën e Rrjollit, ku ishin rrëzuar rrjetat, kishte biseduar me efektivët e policisë. Ai u kishte treguar atyre se jeton prej 32 vitesh në Firence, por ka ardhur për të mbrojtur trojet e tij.
Burim: BalkanWeb
— Redaksia ZHURMA
