Kush shkel ligjin në sistemin e ujësjellësit?

— Shpk "Ujësjellësi dhe Kanalizimi": Shumë parregullsi të identifikuara gjatë inspektimit, procedurat janë nisur. Ndërmarrja e "Ujësjellës dhe kanalizime" – Ulqin informon opinionin se gjatë kontrolleve intensive të zhvilluara në ditët e fundit në territorin e Komunës së Ulqinit, janë konstatuar raste të shumta të lidhjeve të paligjshme, ndërhyrjeve të paautorizuara në rrjetin e ujësjellësit, manipulimeve me instalimet dhe formave të tjera të keqpërdorimit të sistemit të furnizimit me ujë.

Këto veprime përbëjnë shkelje të ligjit, dëmtojnë infrastrukturën publike, rrezikojnë funksionimin normal të sistemit të ujësjellësit dhe ndikojnë drejtpërdrejt në cilësinë dhe vazhdimësinë e furnizimit me ujë për qytetarët që i përmbahen rregullave. Ndaj të gjithë personave tek të cilët janë konstatuar shkelje, Ndërmarrja e Ujësjellësit ka ndërmarrë procedurat ligjore përkatëse, përfshirë ngritjen e kallëzimeve penale dhe masave të tjera të parapara me legjislacionin në fuqi.

Apelojmë tek të gjithë qytetarët që të mos kryejnë lidhje të paligjshme apo çfarëdo ndërhyrjeje në sistemin e ujësjellësit dhe të raportojnë çdo rast të tillë. Respektimi i ligjit dhe mbrojtja e infrastrukturës së përbashkët janë në interes të të gjithë qytetarëve dhe garantojnë një furnizim të sigurt dhe të qëndrueshëm me ujë.

Burim: Ulcinj info, https://ul-info.com/ — Redaksia ZHURMA