Rrahmani akuzon pushtetin për korrupsion dhe punësime familjare

Deputeti i Partisë Demokratike të Kosovës, Eman Rrahmani, ka drejtuar kritika të ashpra ndaj pushtetit, duke e akuzuar për korrupsion, nepotizëm dhe padrejtësi në institucionet publike. Përmes një postimi në rrjete, ai ka pretenduar se kë dukuri negative janë përhapur në përmasa të mëdha si në nivelin qendror, ashtu edhe në atë lokal.

«Kurrë më shumë s’kanë vjedhur, kurrë më shumë s’kanë punësuar familjarë dhe kurrë më shumë s’ka pasur padrejtësi!», ka shkruar ndër të tjera Rrahmani, duke shprehur shqetësimet e tij për mënyrën e qeverisjes dhe keqpërdorimet e pretenduara në institucione.