Shpërthen bombola e gazit në Lezhë, 6 persona të lënduar nga shpërthimi

LEZHË — Një bombol gazi shpërtheu në një banesë në fshatin Markatomaj të Lezhës, duke shkaktuar panik dhe dëme materiale. Sipas të dhënave paraprake, 6 persona, pjesëtarë të së njëjtës familje, kanë mbetur të plagosur dhe janë transportuar me urgjencë drejt Spitalit të Lezhës për ndihmë mjekësore.

Në vendngjarje kanë mbërritur shërbimet e emergjencës dhe ekipet zjarrfikëse, të cilat po punojnë për përcaktimin e rrethanave të plota të shpërthimit. Ende nuk dihet gjendja shëndetësore e të lënduarve dhe shkaqet e ngjarjes pritet të bëhen të ditura në vijim.