Shkupi u jep uniforma shkollore falas nxënësve të vitit të parë
Kryetari Orce Gjorgjievski thotë se masa synon të ulë dallimet sociale dhe barrën financiare të familjeve.
Redaksia ZHURMA · · Përditësuar · 1 min lexim
SHKUP — Kryetari i Qytetit të Shkupit, Orce Gjorgjievski, njoftoi se nga ky vit, të gjithë nxënësit që regjistrohen në vitin e parë të shkollave të mesme do të pajisen me uniforma shkollore falas — për herë të parë kjo masë zbatohet për çdo nxënës të regjistruar në atë vit.
"Shkolla duhet të jetë vend ku të rinjtë garojnë në dije, punë dhe sukses, e jo në atë se kush vesh rroba më të shtrenjta apo se prindërit e kujt kanë më shumë mundësi financiare," tha Gjorgjievski, duke shtuar se dallimet sociale shpesh bëhen shkak për ndarje, diskriminim e bullizëm.
Sipas tij, masa do të ulë ngarkesën financiare të familjeve dhe do t'u mundësojë nxënësve të përqendrohen te arsimi, zhvillimi personal dhe ndërtimi i së ardhmes së tyre.
Burim: Shenja
— Redaksia ZHURMA
