Si mban gjallë Shkolla Shqipe 'Pjetër Budi' gjuhën shqipe në Liverpool?
Pse është e rëndësishme ruajtja e gjuhës dhe kulturës shqiptare në diasporë?
LIVERPOOL — Shkolla Shqipe 'Pjetër Budi' në Liverpool ka mbyllur vitin e saj të dytë shkollor, duke vazhduar misionin për të ruajtur gjuhën, kulturën dhe identitetin shqiptar tek fëmijët e diasporës. Gjatë vitit 2025–2026, shkolla zhvilloi 30 seanca mësimore javore, ku fëmijët mësuan të flasin, lexojnë dhe shkruajnë në gjuhën shqipe, por edhe njohën historinë, traditat dhe vlerat që na bashkojnë si komb.
Viti u karakterizua nga një angazhim i gjerë komunitar dhe një sërë aktivitetesh kulturore e edukative. Nxënësit dhe familjet festuan së bashku Pavarësinë e Shqipërisë dhe të Kosovës, Krishtlindjet, Vitin e ri, Pashkët, Ditën e Verës dhe 1 Qershorin.
Një moment krenarie ishte përfshirja e nxënësve tonë në projektin “Dear Mother”, organizuar nga Successful Mothers Organisation. Katër nga punimet e tyre u botuan në librin “Dear Mother” nga autorja Merita Isufi.
Shkolla përfaqësoi gjithashtu komunitetin shqiptar në Ditën Ndërkombëtare të Gjuhëve në Liverpool, duke promovuar gjuhën dhe kulturën shqiptare në një mjedis shumëkulturor.
Burim: Diaspora Shqiptare
— Redaksia ZHURMA