Si funksionon shërbimi mjekësor veror në Shkëmbin e Kavajës?

KAVAJË — Qendra Shëndetësore Verore e Shkëmbit të Kavajës ka nisur ofrimin e shërbimit mjekësor 24 orë në ditë, shtatë ditë të javës. Ky organizim synon trajtimin e çdo rasti urgjence për pushuesit që zgjedhin këtë zonë bregdetare gjatë sezonit veror, me stafin mjekësor të angazhuar në turne të plota dhe në gatishmëri të vazhdueshme.

Infermieri i qendrës, Endri Zhuri, deklaroi se shërbimi ka nisur më 1 qershor dhe do të vijojë deri më 1 tetor 2026. Sipas Zhurit, qendra trajton mesatarisht rreth 20 raste në ditë, ku më të shpeshtat janë gastroenteritet, virozat, alergjitë dhe reaksionet e ndryshme alergjike.

Struktura është pajisur me mjetet bazë për trajtimin e lëndimeve të lehta, pickimeve nga insektet dhe problemeve nga ekspozimi në diell. Për rastet më të rënda që kërkojnë ndërhyrje më të specializuar, qendra bashkëpunon ngushtë me shërbimin e urgjencës së Spitalit Rajonal të Durrësit, ku dërgohen pacientët e kritikë.

Përveç qendrës, në funksion janë edhe ekipet e urgjencës që mbulojnë vijën bregdetare dhe zonat përreth për të garantuar reagim të shpejtë. Ky organizim synon të sigurojë asistencë mjekësore të menjëhershme për të gjithë pushuesit gjatë gjithë periudhës së sezonit turistik.

Burim: ATSH
— Redaksia ZHURMA