Pse thotë Shala se shfuqizimi i emrave shqip nuk është rastësi?
Gjykata Kushtetuese e RMV-së ka shfuqizuar emërtimin shqip të disa rrugëve dhe sheshit të Tetovës, duke ndezur debatin mbi identitetin shqiptar.
TETOVË — Gjykata Kushtetuese e Maqedonisë së Veriut ka shfuqizuar emërtimin e disa rrugëve dhe sheshit të Tetovës — vendim i marrë dje që ka nxitur reagime të shumta nga partitë opozitare shqiptare.
Historiani Azdren Shala, i ftuar në "Ora 7" të Klan Kosovës, tha se ndaj shqiptarëve në RMV ekzistojnë tendenca asimiluese. "Mendoj që kjo nuk është e paqëllimshme. Kjo mbulesa ose alibia e burokracive dhe paqartësisë ligjore, për mua është alibi", tha ai.
"Shqiptarët e Maqedonisë së Veriut qartazi janë më të ekspozuar ndaj çdo tendence asimiluese, sidomos këto dy-tri vitet e fundit", shtoi Shala — dhe vendimi për emrat e Tetovës, sipas tij, nuk është rastësi.
Burim: Klan Kosova
— Redaksia ZHURMA