Sekuestrohen mbi 1.1 ton kanabis në Zvicër, në pranga dy persona
Një operacion i Policisë Kantonale të Zyrihut zbuloi një plantacion kanabisi dhe sekuestroi mbi 1.1 ton marihuanë.
DIASPORË — Një operacion i gjerë antidrogë i Policisë Kantonale të Zyrihut ka çuar në zbulimin e një prej plantacioneve më të mëdha të kanabisit të identifikuara në këtë zonë të Zvicrës. Gjatë aksionit janë sekuestruar mbi 1.1 ton marihuanë, ndërsa tre persona janë arrestuar.
Operacioni nisi pas një informacioni të marrë nga autoritetet dhe një hetimi disa-mujor. Në objekt u zbulua një plantacion indoor kanabisi me sipërfaqe rreth 4 mijë metra katrorë, ku ndodheshin gjithsej 23.918 bimë marihuane. Në kuadër të operacionit u sekuestruan gjithashtu 1.106 kilogramë marihuanë të gatshme për shitje, dy armë zjarri, 6.420 franga zvicerane cash dhe disa makina profesionale për numërimin e parave.
Në objekt u arrestuan dy persona: një shtetas kosovar dhe një shtetas shqiptar, së bashku me një shtetas gjerman që dyshohet se i përkisnin stafit operativ të kompanisë.