Seanca e Kuvendit e caktuar për 9 shtator vë në provë konstituimin
Vazhdimi i seancës konstituive të Kuvendit vjen pas marrëveshjes politike mes LVV-së dhe LDK-së për presidentin e ri.
Redaksia ZHURMA · · 1 min lexim
Seanca e re e Kuvendit të Kosovës e caktuar për 9 shtator pritet të sjellë zhvillime rreth përmbylljes së procesit të konstituimit, i cili ishte ndërprerë më parë me kërkesë të kryeministrit në detyrë, Albin Kurti, për arritjen e një marrëveshjeje politike për postin e presidentit.
Marrëveshja politike për presidentin mes Lëvizjes Vetëvendosje dhe Lidhjes Demokratike të Kosovës u arrit më 31 gusht, ndërsa procesi i konstituimit të Kuvendit përmbyllet me zgjedhjen e kryetarit dhe pesë nënkryetarëve, hap ky i domosdoshëm për të vijuar me votimin e qeverisë së re dhe zgjedhjen e presidentit.
