Sali kërkon përfshirjen e vendeve kandidate në Qendrën Evropiane

Gjatë një takimi mëngjesi pune në margjinat e Këshillit të Çështjeve të Përgjithshme të Bashkimit Evropian, zëvendëskryeministri i parë dhe ministri për Çështje Evropiane, Bekim Sali, ka kërkuar që vendet kandidate të bëhen pjesë e Qendrës Evropiane për Reziliencë Demokratike që në hapat e tyre të parë. Sipas njoftimeve zyrtare, ai ka ngritur shqetësimin se ndërhyrjet e huaja përmes manipulimit informativ, sulmet kibernetike dhe trysnia mbi shoqërinë civile dhe mediat e pavarura paraqesin rreziqe të përbashkëta për shtetet anëtare dhe për ato që synojnë anëtarësimin.

Sali ka theksuar se mbrojtja demokratike përbën tashmë një shtyllë jetike të sigurisë evropiane. Duke folur për angazhimet e brendshme, ai ka bërë të ditur se përgatitjet për këtë proces kanë nisur tashmë, ku Ministria e Drejtësisë është caktuar si organ koordinues ndërsa janë caktuar edhe zyrtarët kontaktues me Sekretariatin e Qendrës. Pjesëmarrja e hershme do t'i sigurojë vendit qasje më të shpejtë në mekanizmat e paralajmërimit dhe vlerësimet e rreziqeve.

Maqedonia e Veriut synon një rol aktiv si kontribuuese përmes përvojës së saj në menaxhimin e sfidave hibride, e jo vetëm si përfituese. Ky kyçje pritet të rrisë aftësitë në fushën e sigurisë kibernetike, dezinformimit dhe komunikimit strategjik, duke mbështetur njëkohësisht reformat në fushat kyçe të procesit integrues. Sali bëri thirrje për bashkësi më të ngushtë ndërmjet rajonit dhe bllokut evropian për ta shndërruar zgjerimin në vlerë të shtuar për sigurinë dhe unitetin e kontinentit.