Sadiku: Qëndrimi im për Sejdiun varet nga vendimi i LDK-së

Deputeti i Lidhjes Demokratike të Kosovës (LDK), Ermal Sadiku, ka thënë se qëndrimi i tij për të votuar Bekim Sejdiun për president të Kosovës varet nga vendimi i partisë. Ai ka theksuar se kjo çështje nuk është diskutuar ende në Grupin Parlamentar të LDK-së.

“Varet prej partisë. Unë qëndroj, nëse LDK-ja dakordohet me bo këtë punë. Bekimin e njoh, është kandidat që i plotëson krejt kushtet. Shpresoj që ta shoh president”, ka deklaruar Sadiku në një lidhje telefonike në “Debat Plus”.

Ai ka shtuar se për një çështje të tillë duhet të ketë fillimisht dakordim brenda partisë. “Pa u marrë vesh brenda partisë, edhe babën tem me pasë duhet me konsultu me partinë. Nuk është diskutu brenda Grupit Parlamentar”, ka thënë ai.

Kujtojmë se më herët është raportuar për një marrëveshje mes VV-së dhe LDK-së që kandidati për president të jetë Bekim Sejdiu.

Burimet: Gazeta Express; Zëri; Bota Sot; RajoniPress (Gazete Rajonale Online); Telegrafi (klaster 6 outlets).