Rudolph: Asociacioni kusht për statusin e vendit kandidat në BE

Ambasadori i Gjermanisë në Kosovë, Rainer Rudolph, ka deklaruar se qeveria e re me mandat të ri duhet të tregojë një përkushtim të qartë për përmbushjen e detyrimeve të marrë përsipër, çka do t'i hapte rrugë Bashkimit Evropian që të ndërmarrë hapa drejt dhënies së statusit të vendit kandidat për Kosovën. Gjatë një interviste, diplomati gjerman ka kërkuar veprime konkrete për themelimin e Asociacionit të Komunave me Shumicë Serbe si një prej kushteve kryesore në këtë drejtim.

Sipas tij, Bashkimi Evropian nuk ushtron presion ndaj palëve, por vetëm lehtëson procesin e dialogut, ndërsa mbajtja e një takimi të nivelit të lartë do të përbënte gjithashtu një hap përpara. Themelimi i Asociacionit, i cili më parë është kërkuar si kusht edhe për anëtarësimin e Kosovës në Këshillin e Evropës, tashmë po lidhet ngushtë edhe me përparimin e vendit drejt statusit të kandidatit në Bashkimin Evropian.