Rritet konsumi i drogës te adoleshentët — psikologët alarmojnë për verën
Psikologët japin alarmin për rritjen e konsumit gjatë sezonit të verës
TIRANË — Numri i adoleshentëve që konsumojnë lëndë narkotike po rritet vazhdimisht, alarmojnë psikologët. Sipas tyre, ky fenomen nuk po merr vëmendjen e nevojshme për t’u parandaluar, sepse gjatë sezonit të verës konsumi i lëndëve narkotike rritet edhe më shumë.
Psikologët theksojnë se shoqëria luan një rol vendimtar në nxitjen e adoleshentëve për të eksperimentuar me lëndët narkotike, përveç kuriozitetit dhe problemeve në familje. Edhe mjekët toksikologë kanë ngritur prej kohësh shqetësimin se të rinjtë shqiptarë po konsumojnë gjithnjë e më shumë lëndë narkotike.
Psikologët dhe mjekët toksikologë kanë theksuar se kombinimi i kokainës me alkoolin apo substanca të tjera është ndër format më të përhapura të konsumit. Burim: Euronews Albania, https://euronews.al/psikologet-japin-alarmin-ne-rritje-numri-i-te-rinjve-qe-konsumojne-lende-narkotike/
— Redaksia ZHURMA