Shkodra rikonstrukton shkollën 'Skënderbeg' dhe terrenet e 'Oso Kukës'
Projektet e Bashkisë Shkodër u shpallën fituese në thirrjen e Ministrisë së Arsimit për financimin e infrastrukturës arsimore.
SHKODËR — Bashkia Shkodër do të përfitojë financim për rikonstruksionin e plotë të shkollës 9-vjeçare “Skënderbeg” dhe ndërtimin e mjediseve të reja sportive në gjimnazin “Oso Kuka”. Ky investim vjen pas përzgjedhjes së bashkisë si fituese në thirrjen e Ministrisë së Arsimit dhe Sportit për infrastrukturën arsimore.
Projekti për shkollën “Skënderbeg” parashikon një ndërhyrje të plotë në godinë, me rehabilitimin e klasave, të ambienteve të përbashkëta dhe të hapësirave të jashtme. Për gjimnazin “Oso Kuka”, ndërtimi i terreneve sportive do t'u ofrojë nxënësve ambiente moderne dhe të sigurta për orët e edukimit fizik dhe aktiviteteve jashtëshkollore.
Kryeministri Edi Rama publikoi sot pamje nga projektet e ardhshme, duke theksuar synimin për të krijuar kushte bashkëkohore për procesin mësimor. Ndërhyrjet pritet të përmirësojnë ndjeshëm standardet e arsimit për nxënësit dhe stafin pedagogjik në qytet.
Burim: ATSH
— Redaksia ZHURMA