Hodai lë të hapur mundësinë e kandidimit në zgjedhjet parlamentare

Kryetari i Forumit për Ndryshime në Arsim, Blendi Hodai, ka lënë të hapur mundësinë që në të ardhmen të përfshihet në një listë rinore për zgjedhjet parlamentare. Gjatë një paraqitjeje në emisionin “IMPAKT” në TV Shenja, ai u shpreh se synon të kërkojë besimin e qytetarëve për t'i përfaqësuar ata në institucionet shtetërore.

Hodai theksohet se dëshiron t'i shndërrojë kritikat e deritanishme si organizatë joqeveritare në mundësi zbatimi dhe realizimi në praktikë. «Besoj se po, sepse mendoj që në qoftë se kritikon tërë kohën, është e rrugës që në një të ardhme afatgjatë apo afatshkurtër të tregosh se realisht atë që ke kritikuar mund ta realizosh dhe ta implementosh», deklaroi ai, duke shtuar se synon të përfaqësojë zërin e qytetarëve që sipas tij janë keqpërfaqësuar deri më tash në Maqedoninë e Veriut.