Reshjet e shiut përmbytin rrugët në Vlorë dhe shkaktojnë bllokim trafiku

VLORË — Reshjet e shiut me intensitet mesatar, të shoqëruara me vërshime nga pjesa kodrinore, kanë prekur disa zona në qytetin e Vlorës, duke shkaktuar prezencë të lartë të ujërave me dhe e baltë në segmentet rrugore. Problemet më të theksuara janë shfaqur në zonën e «Ujit të Ftohtë» dhe atë të «Kalasë», ku përmbytja e rrugëve ka vështirësuar qarkullimin e automjeteve dhe ka sjellë bllokim të trafikut për disa minuta.

Ndërkohë, bulevardi kryesor i qytetit, zona e njohur si Albano Romina dhe akset e tjera që përmbyten zakonisht nuk kanë paraqitur probleme të raportuara gjatë kësaj kohe. Përballë kësaj situate, grupet e punës kanë dalë në terren për të hequr ujin nga rrugët e prekura dhe për të normalizuar qarkullimin e mjeteve.