Reshjet e shiut përfshijnë Thethin dhe krijojnë situatë problematike
Vërshimet e ujit rrezikojnë banasat në Fushë-Theth, ndërsa banorët mbeten pa energji elektrike.
Redaksia ZHURMA · · 1 min lexim
Zona e Thethit është përfshirë nga reshje të shumta shiu që kanë sjellë vërshime uji prej mbrëmjes së kaluar, duke krijuar vështirësi të shumta për banorët lokalë. Situata më e rënduar paraqitet në Fushë-Theth, ku prurjet kanë dalë nga kanalet dhe janë përhapur pranë banesave, duke rrezikuar drejtpërdrejt zonën e banuar.
Përveç rrezikut për shtëpitë, përmbytjet kanë shkaktuar edhe dëme materiale në bagëti në banesën e Dedë Drenit. Banorët e zonës kanë shprehur shqetësimin e tyre për mundësinë e përkeqësimit të motit, ndërkohë që situata rëndohet më tej nga ndërprerja e energjisë elektrike në të gjithë territorin e prekur.
