Rama: 9 maji 2027 do të jetë Dita e Europës dhe e Partisë Socialiste

Kryeministri Edi Rama ka publikuar në rrjetet sociale fotografi dhe mesazhe nga mbledhja e Asamblesë Kombëtare të Partisë Socialiste, e cila u zhvillua këtë të shtunë. Gjatë reagimit të tij, kreu i qeverisë e ka cilësuar si historik rekomandimin e Raportit të Zgjerimit të Bashkimit Europian për nisjen e përgatitjeve gjatë vitit 2027 për Traktatin e Anëtarësimit të Shqipërisë, duke theksuar se kjo përbën përgjegjësi të madhe për vendin.

Rama u shpreh se asnjë zhvillim apo incident nuk duhet ta shpërqendrojë Shqipërinë nga objektivi i anëtarësimit deri në vitin 2030. Duke folur për mbledhjen e Asamblesë, ai theksoi se ka vënë re te socialistët gatishmërinë për një betejë të re politike dhe për një fitore të re, teksa në fund të postimit paralajmëroi se data 9 maj 2027 do të jetë Dita e Europës dhe e Partisë Socialiste.

Siç raportoi Zhurma më 14 nëntor 2026, deputetët dhe ministrat e Partisë Socialiste ishte mbledhur në resortin në Gjirin e Lalëzit për Asamblenë Kombëtare.