Reperi Noizy i bashkohet thirrjes “Jo në emrin tim” pas dënimit nga Specialja

Reperi Noizy ka reaguar përmes një postimi në rrjetet sociale, duke iu bashkuar thirrjeve publike pas aktgjykimit të Gjykatës Speciale në Hagë ndaj Hashim Thaçit, Kadri Veselit, Rexhep Selimit dhe Jakup Krasniqit. Ai ka publikuar një grafik me mbishkrimin “JO NË EMRIN TIM” dhe emblemën e Ushtrisë Çlirimtare të Kosovës.

Reagimi i tij vjen pasi Dhomat e Specializuara shpallën fajtorë katër ish-krerët e UÇK-së për akuza për krime lufte. Në ditën e aktgjykimit, figura të tjera publike dhe të estradës shqiptare, përfshirë edhe Rita Orën, kanë shprehur reagimet e tyre në rrjetet sociale lidhur me vendimin e shkallës së parë që ka nxitur reagime të shumta në Kosovë dhe jashtë saj.