Ramadani: Reagimi i qytetarëve pas aktgjykimit dëshmoi sigurinë e Kosovës

Deputeti i Aleancës, Burim Ramadani, ka reaguar pas aktgjykimit të Speciales, të cilin e ka cilësuar si të pashpjegueshëm. Ai vlerësoi reagimin e qytetarëve të Kosovës, të cilët, sipas tij, ishin të prekur dhe të tronditur nga vendimi.

Ramadani tha se qytetarët dëshmuan para opinionit ndërkombëtar se Kosova është një shtet i sigurt dhe i mbrojtur. “Populli tregoi dashurinë për Kosovën. Të prekur thellë e të tronditur nga një aktgjykim i pashpjegueshëm, qytetarët tanë dëshmuan para tërë botës se shteti ynë është i sigurt e i mbrojtur, sepse populli e mbron vet”, ka deklaruar Ramadani.

Deklarata e deputetit vjen në një kohë kur zhvillimet rreth aktgjykimit kanë nxitur reagime publike në Kosovë.