Rahmani mes yjeve që mund të mbeten pa kontratë më 2027
Klubet më të mëdha evropiane po i monitorojnë për t'i siguruar lirë nëse s'vazhdojnë marrëveshjet.
PRISHTINË — Tregu i futbollit i ka kthyer sytë nga vera e vitit 2027, kur një numër i madh yjesh të nivelit të lartë pritet t'i përfundojnë kontratat me klubet aktuale. Mes tyre janë Harry Kane, Rodri, Vinicius Junior, Cristiano Ronaldo, Alisson, Courtois, Van Dijk, De Bruyne e Pulisic.
Në listë është edhe kapiteni i Kosovës e mbrojtësi i Napolit, Amir Rrahmani, marrëveshja e të cilit përfundon po atë verë. Portierë si Alisson e Courtois, mbrojtës si Dimarco, Lisandro Martinez e Van Dijk, e mesfushorë si Rodri, Bruno Fernandes e Hakan Calhanoglu, mund të bëhen objektiva të rëndësishëm në treg.
Edhe repartet sulmuese mbajnë emra të mëdhenj: Kane, Ronaldo, Vinicius Junior, Gabriel Martinelli, Ferran Torres, Romelu Lukaku e Son Heung-min. Klubet më të mëdha evropiane po i monitorojnë situatat dhe mund t'i transferojnë me çmime më të ulëta para skadimit të kontratave, ose t'i sigurojnë si lojtarë të lirë.
Pritet që klubet të tentojnë vazhdimin e marrëveshjeve për të shmangur largimin e yjeve pa përfituar financiarisht. Në të kundërtën, vera e vitit 2027 mund të sjellë një nga tregjet më të pasura dhe më konkurruese të transferimeve në vitet e fundit.
Burim: Sinjali
— Redaksia ZHURMA
