Protesta e radhës në Prishtinë kërkon dorëheqjen e ministrave Sveçla e Gërvalla

Në qendër të Prishtinës është mbajtur sërish një protestë për Arlinda Zekajn, ku aktivistë për të drejtat e grave dhe barazi gjinore janë solidarizuar me familjarët e viktimës për tragjedinë e ndodhur në Vitomiricë të Pejës. Gjatë marshimit drejt qeverisë, protestuesit kanë kërkuar llogari nga shteti dhe dorëheqjen e ministrave Xhelal Sveçla dhe Donika Gërvalla.

Kjo ngjarje pason zhvillimet e mëparshme lidhur me vrasjen e Arlinda Zekajt, e cila u vra të dielën e 25 tetorit nga kunati i saj, pasi më parë kishte kërkuar mbrojtje nga policia, prokuroria e gjykata ndaj bashkëshortit dhunues.