Protesta kombëtare në Tiranë: Studentët, pedagogët dhe diaspora kërkojnë dorëheqjen e…
Kryeqyteti bëhet gati për tubimin kombëtar të studentëve, ndërsa në mbështetje dalin pedagogët, mjekët, artistët dhe diaspora.
Redaksia ZHURMA · · 1 min lexim
TIRANË — Protesta e studentëve kundër qeverisë ka marrë përmasa kombëtare, ndërsa të rinj nga qytete të ndryshme po organizohen për t’iu bashkuar tubimit në Tiranë. Kjo e shtunë shënon ditën e dymbëdhjetë të protestës studentore, e cila ka gjetur mbështetjen e pedagogëve, mjekëve, stomatologëve, farmacistëve, artistëve dhe përfaqësuesve të sindikatave, përfshirë Sindikatën e Pavarur e Artit, Kulturës dhe Medias e Shqipërisë, e cila ka ftuar anëtarët të mblidhen në orën 11:00 përpara Kryeministrisë. Gjithashtu, në shesh pritet të mblidhen edhe shqiptarët nga diaspora.
Pedagogët janë njoftuar të mblidhen pranë Universitetit Politeknik, ndërsa në orën 14:00 është paralajmëruar bashkimi i grupeve të studentëve përpara Kryeministrisë. Pavarësisht thirrjeve të kryeministrit Edi Rama për dialog, protestuesit vijojnë të këmbëngulin te kërkesa për dorëheqjen e tij dhe krijimin e një qeverie tranzitore, duke kërkuar përgjegjësi politike për situatën e krijuar.
