Rama: Të arrestuarit gjatë protestës nuk janë studentë por kanë precedentë

Kryeministri i Shqipërisë Edi Rama ka publikuar listën e personave të arrestuar gjatë protestës, duke deklaruar se ata nuk janë studentë dhe se janë përdorur për të ushtruar dhunë, ndërsa paraqiti inicialet, fotot me sytë e mbuluar dhe akuzat për secilin prej tyre.

Sipas kryeministrit të Shqipërisë, Edi Rama, gjatë një deklarate për mediat, personat e ndaluar gjatë protestave nuk kanë asnjë lidhje me universitetin dhe mbartin karriera të errëta të mbështetura nga krimi i organizuar dhe nga forca të huaja që kërkojnë të kthejnë përmbys Shqipërinë.

Kryeministri i Shqipërisë Edi Rama bëri të afrdhur se ndër të arrestuarit ndodhet një pesëdhjetë e shtatëvjeçar i dënuar më parë për dhunë në familje dhe mosbindje ndaj urdhrit të policisë, si dhe një dyzet e njëvjeçar me precedentë për prishje të rendit dhe dhunë në familje. Në listën e prezantuar u përfshi gjithashtu një dyzetvjeçar i akuzuar për pjesëmarrje në tubime të paligjshme, një dyzetvjeçar i dënuar për vjedhje dhe pengim të qarkullimit, si dhe njëzet e tetëvjeçari S.X. me precedentë për shitje të lëndëve narkotike. Sipas po të njëjtit burim, dyzet e pesëvjeçari E.V. rezulton me precedentë për vetëgjyqësi dhe fshehje të ardhurash, ndërsa S.D. dyzet e pesë vjeç u përmend për goditje për shkak të detyrës dhe falsifikim dokumentesh.

Gjatë shpalosjes së të dhënave, Rama përmendi edhe XH.P. njëzet e shtatë vjeç për prodhim dhe shitje të lëndëve narkotike, J.S. njëzet vjeç, si dhe V.A. tridhjetë e gjashtë vjeç, i cili sipas deklaratës rezulton i dënuar me dyzet muaj burgim në Britaninë e Madhe për narkotikë dhe me dy vjet e pesë muaj për trafikim të qenieve njerëzore. Po ashtu, u bënë publike rastet e A.M. njëzet e tetë vjeç për shkelje të rregullave dhe falsifikim, A.F. tridhjetë e tetë vjeç për narkotikë, Z.M. tridhjetë vjeç i dënuar në Britani, si dhe A.P. shtatëmbëdhjetë vjeç, L.A. njëzet e katër vjeç, dhe AB njëzet vjeç. Kryeministri shtoi në listë F.D. tridhjetë e dy vjeç për ndihmë në kalim të paligjshëm të kufirit dhe L.M. tridhjetë e shtatë vjeç për kundërshtim të punonjësit të policisë.

Në lidhje me këto zhvillime, kryeministri i Shqipërisë Edi Rama deklaroi: «Po i marr me radhë një për një dhe besoj që çdo koment është i tepërt nga ana ime, sepse mjaftojnë çehret që pavarësisht fshehjes së identitetit mund të lexohen si përfaqësi e një bote të zymtë, të errët dhe të jashtëligjshme dhe karrierat e këtyre individëve që e përsëris, janë paguar nga krimi i organizuar dhe nga forca të huaja, që me çdolloj kusht duan ta kthejnë përmbys edhe njëherë Shqipërinë.» Kryeministri theksoje se tani është koha që çdo pretendim të mbështetet me fakte dhe dokumente zyrtare.