Blerina Gjylameti jep dorëheqjen nga drejtimi i Autoritetit Kombëtar të Ushqimit
Drejtuesja e AKU-së, Blerina Gjylameti, është dorëhequr nga detyra në kuadër të lëvizjeve të kërkuara nga kryeministri Edi Rama.
Redaksia ZHURMA · · 1 min lexim
Blerina Gjylameti ka dhënë dorëheqjen nga pozita e drejtueses së Autoritetit Kombëtar të Ushqimit (AKU). Ky hap vjen pas urdhrit të dhënë të enjten pasdite nga kryeministri Edi Rama, i cili u kërkoi ministrave që të sigurojnë dorëheqjet e drejtuesve të agjencive shtetërore në Tiranë dhe në rrethe.
Sipas burimeve qeveritare, zyrtarët e prekur nga kjo nismë do të vazhdojnë të qëndrojnë në detyrë, pasi faza e parë përfshin vetëm formalizimin e dorëheqjeve përmes një shkrese zyrtare. Në fazën e dytë do të analizohet performanca e secilit drejtues para marrjes së hapave të mëtejshëm. Në total, më shumë se 130 drejtues të agjencive shtetërore në nivel qendror dhe lokal pritet të dorëzojnë dorëheqjet e kërkuara, ndërsa qeveria nuk ka dhënë ende një koment zyrtar për këtë valë largimesh.
