Pse protestuesit kërkojnë dorëheqjen e Edi Ramës?
Qytetarët mblidhen në sheshin Skënderbej për të kërkuar qeveri teknike dhe barazi para ligjit.
TIRANË — Revolta qytetare kundër qeverisë së Edi Ramës arrin sot në ditën e 28-të radhazi të protestave në kryeqytet. Organizatorët kanë bërë thirrje për pjesëmarrje masive, jo vetëm nga Tiranësit, por edhe nga qytetet e tjera dhe diaspora.
Protestuesit e parë kanë filluar tashmë të grumbullohen në sheshin Skënderbej, nga ku do të nisen drejt bulevardit Dëshmorët e Kombit. Marshimi synon të ndalet para godinës së Kryeministrisë, ku kërkesat mbeten të qarta: dorëheqja e menjëhershme e kryeministrit, krijimi i një qeverie teknike tranzitore dhe barazia e plotë para ligjit.
Sipas mediave vendase, tubimet kanë karakter kombëtar, me pritshmëri për një pjesëmarrje rekord. Organizatorët theksojnë se kjo është një vazhdimësi e protestave të mëparshme, të cilat kanë nisur të intensifikohen pas vendimeve të fundit të qeverisë.
Burim: Report.al
— Redaksia ZHURMA