Kush u zgjodhën prokurorë publikë?

SKOPJË — Këshilli i prokurorëve publikë në mbledhjen e sotme solli Rregullore të re për punë dhe zgjodhi disa prokurorë themelorë publikë dhe prokurorë publikë në disa prokurori të vendit. Disa nga kandidatët e zgjedhur edhe deri më tani kanë udhëhequr me prokuroritë, raporton MIA. Këshilli unanimisht i zgjodhi Stojançe Arnaudovskinh për prokuror themelor publik të Prokurorisë themelore publike Ohër dhe Neat Suroin për prokuror themelor publik të Prokurorisë themelore publike Dibër.

Prokurorët e rinj u emëruan në disa qytete të Maqedonisë, përfshirë Radovishin, Koçanin dhe Shkupin. Në shpjegimin e anëtarëve të Këshillit, të cilët individualisht u shprehën për çdo kandidat, u theksua se është e rëndësishme që në konkurse të paraqiten kandidatë për vende udhëheqëse në prokurori, duke e marrë parasysh mungesën e kuadrit të prokurorëve në disa zona.

Në fillim të seancës, anëtarët e Këshillit e miratuan edhe Rregulloren e re për punën e Këshillit të prokurorëve publikë. Në mbledhjen u soll edhe vendimi për zgjedhje të prokurorit publik në Prokurorinë themelore publike Resnjë, me ç’rast u zgjidh Eroll Sherif, ndërsa unanimisht prokuror publik në Prokurorinë themelore publike Shkup e zgjodhën Zoran Markovskin.

*Burim: Tetova Sot, https://tetovasot.com/2026/07/u-zgjodhen-prokuroret-publike-ne-prokurorite-e-kater-qyteteve-te-maqedonise-se-veriut/ — Redaksia ZHURMA*