KE: Komisioni Qendror i Zgjedhjeve në Kosovë mbetet i pakompletuar

Komisioni Evropian ka ngritur çështjen e moskompletimit të përbërjes së Komisionit Qendror të Zgjedhjeve në Kosovë, duke vlerësuar se institucionit i mungon ende njëri nga 11 anëtarët për shkak të mosmarrëveshjeve politike. Përbërja e KQZ-së mbetet me 10 anëtarë, ndërsa Presidentja e Kosovës, Justina Shiroka-Pula, ende nuk ka dekreteruar anëtarin e fundit për të cilin përplasen pretendimet ndërmjet Lëvizjes Vetëvendosje dhe Partisë Demokratike të Kosovës.

Lidhur me gjetjet e tjera institucionalë në vend, siç raportoi Zhurma më 4 nëntor 2026, Komisioni Evropian ka publikuar Pakon Vjetore të Zgjerimit për vitin 2026 dhe Raportin për Kosovën.

Në raportin vjetor për Kosovën, Komisioni Evropian theksoi se emërimet në KQZ u bënë me vonesë pas zgjedhjeve të 7 qershorit. Gjithashtu, raporti përmend përpjekjet e vazhdueshme të pushtetit për ta politizuar këtë institucion, përfshirë përpjekjet për të penguar certifikimin e Listës Serbe dhe rezultateve të saj. Megjithatë, sipas raportit, mekanizmat mbikëqyrës funksionuan në mënyrë efektive dhe mekanizmat për zgjidhjen e kontesteve vepruan me shpejtësi për trajtimin e ankesave, ndërsa përpjekjet për politizim ishin zbutur deri në kohën e zgjedhjeve të qershorit 2026.

Tash e një muaj prej marrjes së detyrës si presidentja e shtatë e Republikës së Kosovës, Justina Shiroka-Pula nuk e ka dekretuar anëtarin e 11-të. Më parë, përbërjen e këtij institucioni e kishin lënë të pakompletuar edhe ish-ushtruesja e detyrës së presidentes, Albulena Haxhiu, si dhe ish-presidentja Vjosa Osmani. Mosmarrëveshja lidhet me përplasjen ndërmjet LVV-së dhe PDK-së, dy subjektet politike që mundësuan zgjedhjen e presidentes së re.

Sipas raportit vjetor të Komisionit Evropian, vlerësohet se: «Pas zgjedhjeve të 7 qershorit, emërimet në KQZ u bënë me vonesë dhe mbeten të paplota, ku Komisionit i mungon ende njëri nga 11 anëtarët e tij për shkak të një mosmarrëveshjeje politike rreth përbërjes së tij». Raporti shton gjithashtu se: «Pavarësisht përpjekjeve të vazhdueshme për ta politizuar Komisionin Qendror të Zgjedhjeve (KQZ), përfshirë përpjekjet për të penguar certifikimin e Listës Serbe dhe rezultateve të saj, mekanizmat mbikëqyrës funksionuan në mënyrë efektive dhe përpjekjet për politizim ishin zbutur deri në kohën e zgjedhjeve të qershorit 2026».