Prof. Dr. Naim Syla, nga Bresalci drejt karrierës akademike në fizikë dhe arsim…
Shkencëtari nga Gjilani ka kontribuar në themelimin e Universitetit "Kadri Zeka" dhe mësimdhënien në Universitetin e Prishtinës.
Redaksia ZHURMA · · 1 min lexim
Prof. Dr. Naim Syla, origjinar nga Bresalci i Gjilanit, është profesor i rregullt në Departamentin e Fizikës të Fakultetit të Shkencave Matematike-Natyrore në Universitetin e Prishtinës. Me formim në fizikë dhe shkencën e materialeve, ai i ka kushtuar karrierën zhvillimit të dijes shkencore, përgatitjes së brezave të rinj dhe pasurimit të literaturës akademike në gjuhën shqipe. Përveç veprimtarisë shkencore dhe mësimdhënëse, ai ka qenë i angazhuar në proceset e themelimit dhe konsolidimit të Universitetit Publik "Kadri Zeka" në Gjilan, përfshirë pozita udhëheqëse e përgjegjësi institucionale. Rrugëtimi i tij drejt shkencës nisi me studimet në Gjimnazin "Zenel Hajdini" në Gjilan dhe vazhdoi me studimet universitare në Fizikë në Universitetin e Prishtinës.
