Pse e quan Popovska protokollin me Bullgarinë bllokues të eurointegrimeve?
Ish-kryetarja e Rilindjes Demokratike e Maqedonisë kërkon rishqyrtim në Gjykatën Kushtetuese të protokollit të dytë.
SHKUP — Ish-kryetarja e partisë Rilindja Demokratike e Maqedonisë, Liljana Popovska, e ka quajtur "procesverbal fatkeq" Protokollin e dytë me Bullgarinë, duke ngritur iniciativë në Gjykatën Kushtetuese për rishqyrtimin e tij.
Në emisionin "Click Plus" të TV21, Popovska argumentoi se protokolli është "plot me defekte" dhe "nuk është as juridikisht i rregullt". Ajo kundërshtoi idenë se futja e bullgarëve si pakicë në Kushtetutë do të hapë rrugën e eurointegrimeve.
"Protokolli për mua është bllokuesi kryesor për fillimin e eurointegrimeve", tha ajo, duke shtuar se është "krejtësisht e pasaktë" të pretendohet se ky hap do të mjaftojë. Sipas saj, dëmi do të thellohet në një kohë kur Bullgaria nuk e njeh identitetin maqedonas.
Burim: Telegrafi
— Redaksia ZHURMA