Policisë së Maqedonisë së Veriut i shtohen 496 policë të rinj
Gjenerata e re e ka përfunduar trajnimin në Akademinë Policore, ndërsa nga shtatori do të rifillojë punën edhe Shkolla e Mesme Policore '7 Maji'
SHKUP — Ministri i Punëve të Brendshme, Pançe Toshkovski, njoftoi se Policisë së Maqedonisë së Veriut sot iu bashkuan 496 zyrtarë të rinj policorë. Sipas tij, gjenerata e re e ka përfunduar trajnimin në kushte të rinovuara në Akademinë Policore, ndërsa nga shtatori do të rifillojë punën edhe Shkolla e Mesme Policore '7 Maji'.
Profesioni i policit nuk përfundon me mbarimin e orarit të punës, por përfaqëson një zgjedhje jetësore dhe një thirrje që kërkon guxim, qetësi, ndershmëri dhe humanizëm, deklaroi ministri i Punëve të Brendshme, Pançe Toshkovski, gjatë promovimit të 496 zyrtarëve të rinj policorë të gjeneratës 2025/2026.
Burim: Telegrafi, https://telegrafi.com/policise-se-maqedonise-se-veriut-iu-bashkuan-496-zyrtare-te-rinj-policore
— Redaksia ZHURMA