Policia gjen armatim me simbole serbe pranë pronave të Rashkoviqit

PRISHTINË — Policia e Kosovës ka gjetur armatim dhe uniforma ushtarake me simbole të flamurit serb në fshatin Dren të Zubin Potokut, në afërsi të pronave të Nenad Rashkoviqit, qytetarit që ka pretenduar se është rrahur nga pjesëtarë të Policisë së Kosovës.

Sipas një videoincizimi që ka siguruar Telegrafi, shihen armët dhe pajisjet e gjetura gjatë aksionit të zhvilluar të martën. Zhvillimi i fundit vjen në kohën kur institucionet po hetojnë pretendimet e Rashkoviqit, i cili ka deklaruar se është keqtrajtuar nga zyrtarët policorë.

Zëvendësdrejtori i Policisë së Kosovës për rajonin e veriut, Veton Elshani, bëri të ditur më 11 gusht se policia nuk kishte informacion për pretendimet e Rashkoviqit.

Burimet: Epoka e Re, Telegrafi.