Çfarë gjeti policia në bastisjen e kafeterisë së vëllezërve në Prizren?
Pse dyshohet se pronarët e lokalit shpërndajnë narkotikë dhe mbajnë armë?
PRIZREN — Mbrëmjen e së mërkurës, rreth orës 20:40, Policia e Kosovës ka kryer bastisje në një kafiteri në Prizren. Kontrolli u zhvillua mbi dyshimin se pronarët e lokalit, dy vëllezër, shpërndajnë narkotikë dhe mbajnë armë zjarri.
Gjatë bastisjes ishte prezent i dyshuari D.P., mashkull 29 vjeç. Sipas policisë, gjatë kontrollit u gjet dhe u sekuestrua një pistoletë "SIG" me 9 fishekë. "Sa i përket narkotikëve, nuk është gjetur asgjë", tha policia.
I dyshuari u intervistua për veprën penale sipas nenit 267 dhe nenit 366 të KPRK-së: "Mbajtja në pronësi, kontroll ose posedim të paautorizuar të armëve". Me urdhër të prokurorit të lëndës, ai u lirua në procedurë të rregullt.
Aksioni u zhvillua nga hetuesit e Drejtorisë së Hetimit të Trafikimit me Narkotikë, me asistimin e njësiveve të Stacionit Policor të Prizrenit. Urdhëresa për kontroll të befasishëm u lëshua nga Gjykata Themelore në Prizren. Rasti vazhdon të hetohet.
Burim: Ekonomia Online
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.