Policia: 186 protestues të ndëshkuar për bllokimin e rrugëve

Numri i përgjithshëm i personave të ndëshkuar ka shkuar në 186 protestues, pasi autoritetet kanë shtuar masat gjatë tubimeve. Policia e Tiranës ka bërë të ditur se janë vendosur 37 gjoba të reja për qytetarët që kanë bllokuar rrugën dhe kanë penguar qarkullimin e automjeteve në bulevardin «Dëshmorët e Kombit» gjatë datave 9 dhe 10 nëntor.

Sipas autoriteteve, gjobat janë vënë në zbatim të Aktit Normativ nr. 5, datë 28.10.2026, konkretisht pikës 2 të nenit 24/1, pasi protestuesit kanë vazhduar të bllokojnë qarkullimin pavarësisht thirrjeve të përsëritura të policisë përmes megafonit. Për secilin nga shkelësit është plotësuar procesverbali përkatës me një masë administrative prej 5 000 lekësh.