Pse u qëllua 46-vjeçari në 'Milet Bahçe'?

PEJË — Një ngjarje e rëndë ka ndodhur sonte në lagjen “Milet Bahçe” në Pejë, ku një person dyshohet se ka mbetur i plagosur si pasojë e të shtënave me armë zjarri.

Sipas informacioneve, i plagosuri është Suad Kelmendi, një 46-vjeçar nga Peja, i cili pas plagëve të marra është dërguar për trajtim mjekësor dhe aktualisht ndodhet duke u operuar.

Rasti është raportuar në orë 22:30, ndërsa pas të shtënave në vendin e ngjarjes kanë dalë njësitet policore, të cilat kanë siguruar perimetrin dhe kanë nisur hetimet për zbardhjen e plotë të rrethanave. Njësitet hetimore janë duke punuar për identifikimin dhe kapjen e personit të dyshuar, ndërsa rasti është duke u trajtuar në koordinim me prokurorin e shtetit.

*Burim: Sinjali, https://sinjali.com/ekskluzive-plagosja-me-arme-ne-peje-ky-eshte-46-vjecari-qe-u-qellua-ne-milet-bahce-i-dyshuari-ne-arrati/*

*— Redaksia ZHURMA*