Plagosi kushëririn, arrestohet Izet Pantera
Ngjarja ndodhi në Fier, ku Izet Ymeri plagosi kushëririn e tij pas një konflikt
FIER — Një plagosje me thikë ka ndodhur mesditën e sotme në Fier, ku 60-vjeçari Izet Ymeri, i njohur për shumë përdorues të rrjeteve sociale me nofkën "Izet Pantera" plagosi kushëririn e tij. Ymeri, u vu në pranga nga Policia e Fierit pasi dyshohet se plagosi me thikë kushëririn e tij pas një konflikti në Lushnjë.
Ngjarja ndodhi mbrëmjen e djeshme në lagjen "Loni Dhamo", ku, sipas policisë, pas një sherri për motive të dobëta, Izet Ymeri goditi me thikë kushëririn e tij, 70-vjeçarin Faslli Ymeri. I plagosuri u transportua fillimisht në spitalin e Lushnjës dhe më pas në Spitalin e Traumës në Tiranë për trajtim më të specializuar.
Menjëherë pas ngjarjes, shërbimet e Policisë arrestuan 60-vjeçarin, i cili pritet të përballet me akuzën për veprën penale "Plagosje e rëndë me dashje", ndërsa hetimet vijojnë për zbardhjen e plotë të rrethanave të konfliktit. Izet Ymeri është një emër i njohur në TikTok, ku njihet me nofkën "Izet Pantera".
Burim: Shekulli — Redaksia ZHURMA