Piktura e rrallë “Durrësi” nga Gabriele Carelli zbulohet në Londër — 13.7x21.6 cm
Akuareli i realizuar rreth viteve 1850–1860 u shit në një ankand publik nga Halls Fine Art për një blerës që ka zgjedhur të mbetet anonim.
LONDËR — Një pikturë e rrallë me akuarel e shekullit të 19-të, që paraqet qytetin e Durrësit, është zbuluar në Londër pas shitjes në një ankand publik. Vepra historike mban firmën e piktorit të shquar napoletan Gabriele Carelli (1820–1900) dhe pasqyron peizazhin bregdetar siç dukej rreth dy shekuj më parë.
E titulluar “Durrësi”, piktura e realizuar në letër ka përmasa të vogla prej 13.7 x 21.6 centimetra. Artisti italian u vendos në Durrës rreth viteve 1850–1860 së bashku me të vëllain për t’i shpëtuar trazirave në Napoli, duke dokumentuar detajet e arkitekturës dhe atmosferën lokale të kohës.
Peizazhi u shit në shtator të vitit 2009 përmes shtëpisë Halls Fine Art te një blerës që ka preferuar të mbetet anonim. Carelli njihej për lidhje të forta me Mbretëreshën Viktoria, gjë që e shtyu të jetonte në Londër, ndërsa sot një pjesë e madhe e koleksionit të tij ruhet në Windsor Castle.
Kjo vepër e rrallë dëshmon rëndësinë historike të portit të Durrësit si qendër frymëzimi për artistët evropianë të shekullit të 19-të.
Burim: Gazeta Metro
— Redaksia ZHURMA
