Pesë persona ndalohen në Shkup pas sekuestrimit të lëndëve narkotike
Policia ka ndaluar pesë persona në lokacione të ndryshme të Shkupit dhe ka sekuestruar marihuanë e substanca të dyshuara.
Redaksia ZHURMA · · 1 min lexim
SHKUP — Pesë persona janë privuar nga liria në Shkup pas kontrolleve të realizuara në lokacione të ndryshme. Sipas SPB Shkup, bëhet fjalë për katër persona nga Shkupi, të moshës 17 deri në 29 vjeç, si dhe një 19-vjeçar nga vendbanimi Ilinden. Të arrestuar janë Z.A. (29), A.A. (24), D.P. (20), një 17-vjeçare dhe B.B. (19).
Gjatë kontrolleve, policia ka gjetur dhe sekuestruar marihuanë dhe një substancë pluhurore e bardhë. Pas dokumentimit të plotë të rasteve, ndaj personave të ndaluar do të parashtrohen parashtresat përkatëse njoftojnë nga policia.
