Përplasje në Hagë: dy të arrestuar, një polic i lënduar

Policia holandeze njoftoi se dy protestues u arrestuan dhe një zyrtar policor u lëndua lehtë gjatë përplasjeve në Hagë, pas përfundimit të një proteste në mbështetje të ish-krerëve të UÇK-së. Një grup protestuesish tentoi të marshonte drejt Raamwegut, ku ndodhen Dhomat e Specializuara të Kosovës, por lëvizja nuk ishte e lejuar. Policia ndërhyri dhe përdori për një kohë të shkurtër topin e ujit dhe sprejin. Dy personat u arrestuan nën dyshimin për vandalizëm.

Përplasjet ndodhën në ditën kur Dhomat e Specializuara në Hagë shpallën vendimin ndaj katër ish-drejtuesve të UÇK-së. Më herët, protesta në Malieveld ishte e autorizuar nga autoritetet vendase.