Përmbytje të mëdha në Rahovec, uji mbulon rrugë
Veturat luftojnë me ujin, qarkullimi i automjeteve në rrezik
RAHOVEC — Reshjet e dendura të shiut kanë shkaktuar përmbytje të mëdha në disa zona të komunës së Rahovecit, duke krijuar vështirësi të konsiderueshme në qarkullimin e automjeteve dhe lëvizjen e qytetarëve. Sipas pamjeve të publikuara në rrjetet sociale, sasi të mëdha uji kanë mbuluar rrugë të shumta lokale, ndërsa në disa raste përmbytjet kanë depërtuar edhe në oborret e shtëpive dhe objekteve të tjera.
Pamjet tregojnë situata të rënda, ku disa automjete shihen duke kaluar me vështirësi nëpër rrugët e mbuluara nga uji, ndërsa në disa segmente niveli i ujit është aq i lartë sa rrezikon të bllokojë plotësisht qarkullimin.
Burim: Klan Kosova, https://klankosova.tv/pamje-dramatike-nga-rahoveci-veturat-luftojne-me-ujin-ne-rruget-e-permbytura-video11/ — Redaksia ZHURMA