Pse u përleshën tre persona në Komoran?
Policia raportoi se dy prej tyre dyshohet se janë të lënduar nga një mjet i mprehtë
PRISHTINË — Një përleshje fizike ka ndodhur sot në mbrëmje në Komoran, ku tre persona kanë mbetur të lënduar. Zëdhënësi i policisë për Rajonin e Prishtinës, Enis Pllana, konfirmoi se dy prej tyre dyshohet se janë therur me thikë.
"Sot rreth orës 19:00 kemi pranuar informatën për një përleshje fizike në Komoran", deklaroi Pllana. "Policia menjëherë ka dalë në vendin e ngjarjes. Nga informatat fillestare, raportohet se tre persona kanë mbetur të lënduar, dy nga ta dyshohet se janë të lënduar nga një mjet i mprehtë." Ai shtoi se të njëjtit kanë pranuar tretman mjekësor dhe se njësitet relevante janë duke u marrë me sqarimin e plotë të rrethanave të rastit.
Lajmi për këtë ngjarje u raportua nga disa media kosovare, përfshirë Telegrafin, Epokën e Re, Bota Sot, RTV21 dhe Zërin. Disa nga mediat e kanë cilësuar ngjarjen si përleshje fizike që ndodhi mbrëmjen e së hënës, duke detajuar se dy persona janë goditur me mjet të mprehtë.
Burim: Telegrafi, https://telegrafi.com/perleshje-ne-komoran-tre-persona-te-lenduar/ — Redaksia ZHURMA