Lajme
KOS
Sa ton mbeturina u larguan nga Gushaci i Deçanit?
Ministrja në detyrë e Mjedisit njofton vazhdimin e aksionit kundër deponive ilegale në Deçan, pa dhënë afat përfundimi.
Redaksia ZHURMA
14:20
Përditësuar 01:52
1 min lexim
PRISHTINË — Ministrja në detyrë e Mjedisit dhe Planifikimit Hapësinor, Fitore Pacolli-Dalipi, ka njoftuar se po vazhdon aksioni për largimin e mbeturinave në fshatin Gushac të Deçanit. Aksioni synon eliminimin e deponive ilegale në atë zonë.
"Largimi i mbeturinave po vazhdon në Gushac të Deçanit. Nuk do të ndalemi deri në largimin e të gjitha deponive ilegale", ka shkruar Pacolli-Dalipi në rrjetet sociale.
Sipas saj, deri më tani janë larguar rreth 1.500 ton mbeturina. Ajo nuk ka dhënë detaje për afatet e përfundimit të aksionit as për sasinë totale të mbeturinave që mbeten ende në zonë.
Burim: Telegrafi
— Redaksia ZHURMA