Paca: Prokuroria Speciale po shqyrton dosjen për rastin e Arlinda Zekajt

Prokuroria Speciale e ka marrë para tri ditësh dosjen lidhur me dyshimet për mosveprim të zyrtarëve policorë, prokurorëve dhe gjyqtarëve në rastin e vrasjes së Arlinda Zekajt. Ushtruesi i detyrës së kryeprokurorit të kësaj prokurorie, Dren Paca, gjatë një konference për media, konfirmoi se rasti gjendet në shqyrtim. Paca sqaroi se kompetenca e Prokurorisë Speciale përqendrohet ekskluzivisht te përgjegjësia e mundshme dhe neglizhenca e zyrtarëve që mund të kenë ndikuar në kryerjen e vrasjes, ndërsa pjesët e tjera të këtij rasti po trajtohen nga Prokurorët Themelorë në Prishtinë.

Siç raportoi Zhurma më 04.11.2026, avokati Besnik Berisha kishte ngritur pikëpyetje për mundësinë e parandalimit të vrasjes së Arlinda Zekajt dhe kishte publikuar një audioincizim të bisedës mes saj dhe zyrtarit policor para se ajo të vritej.