Pse Osmani thërret gjithë shqiptarët në marshin e Tetovës?
Vendimi i Gjykatës Kushtetuese për emrat e rrugëve ishte, sipas nënkryetarit të BDI-së, vetëm testi i parë para betejës për gjuhën shqipe.
TETOVË — Nënkryetari i BDI-së, Bujar Osmani, ka thirrur qytetarët të bashkohen nesër në marshin e Tetovës, si përgjigje ndaj vendimit të Gjykatës Kushtetuese për të rikthyer emrat e vjetër të shesheve dhe rrugëve. "Ky marsh nuk është marsh i një partie politike", ka shkruar Osmani, "por marsh i çdo shqiptari dhe i çdo qytetari që e do këtë vend".
Thirrja vjen pasi kryetari i Gjykatës Kushtetuese, Darko Kostadinovski, deklaroi se çështjen e gjuhës shqipe "do ta mbyllë" dhe "askush nuk mund ta ndalë". Osmani e quan këtë "jo befasi": vendimi për emrat e rrugëve ishte "vetëm testi se si do të kalojë vendimi i madh" — ai për gjuhën.
"Sot më shumë se kurrë, gjithçka është në duart tona. Jo vetëm emrat e rrugëve dhe shesheve, por edhe e ardhmja e gjuhës shqipe në këtë shtet", ka shkruar nënkryetari i BDI-së, duke iu referuar vlerave të Marrëveshjes së Ohrit dhe barazisë.
Marshi i nesërm, sipas Osmanit, është mundësia e qytetarëve të dëshmojnë se barazia dhe vlerat e Marrëveshjes së Ohrit kanë mbrojtës demokratikë.
Burim: Almakos
— Redaksia ZHURMA