Osmani i kërkon gazetarit të ndalet: S’po më lë hapësirë të përgjigjem

Deputetja e Lidhjes Demokratike të Kosovës, Vjosa Osmani, ka reaguar ashpër gjatë një interviste në emisionin “Rubikon”, ku gazetari Adriatik Kelmendi e pyeti për mënyrën se si ajo dhe Lumir Abdixhiku i menaxhuan negociatat me Vetëvendosjen për emrin e presidentit.

Kelmendi tha se mosmenaxhimi i procesit po i lë ata si LDK duke u shigjetuar njëri-tjetrin. Osmani i kërkoi të ndalet, duke i thënë se po jep konstatime pa i dhënë asaj mundësinë për t’u përgjigjur. Gazetari e pyeti nëse mund të shtrojë pyetje, ndërsa ajo u përgjigj se ai po flet vetëm vetë.

Pas kësaj, Osmani tha se po jep konstatime gjatë gjithë kohës pa i dhënë hapësirë për t’u përgjigjur.