Kush u ndalua për sulmin ndaj Hysni Mehanës në Skënderaj?
Dy persona me iniciale E.L. dhe B.N. ndalohen 48 orë për lëndim të lehtë trupor ndaj Hysni Mehanës, ndërsa kryetari Sami Lushtaku nuk i përgjigjet ftesës së Prokurorisë.
Redaksia ZHURMA · · Përditësuar · 1 min lexim
SKENDERAJ — Njësiti special i policisë ka arritur në Skenderaj në kohën kur Prokuroria ka bërë të ditur se kryetari i qytetit, Sami Lushtaku, nuk është paraqitur për intervistim në lidhje me sulmin fizik ndaj Hysni Mehanës, kryetarit të Degës së Lëvizjes Vetëvendosje në Skenderaj.
Në pamje të publikuara shihen policë të maskuar duke ndalur vetura për kontroll. Prokuroria njoftoi se dy persona me iniciale E.L. dhe B.N. janë ndaluar për 48 orë, nën dyshimet për kryerjen e veprës penale "Lëndimi i lehtë trupor".
Në njoftimin e saj, Prokuroria precizoi se janë intervistuar viktima H.M. dhe B.Z., pesë dëshmitarë, si dhe dy të dyshuarit. "Me vendim të prokurorit janë dërguar në mbajtje për dyzet e tetë (48) orë," thuhet në njoftim. Ndërkaq, përpos Lushtakut, në Prokurori nuk është paraqitur as një i dyshuar tjetër me iniciale K.H.
Burim: Zëri
— Redaksia ZHURMA
